Թուրքական Haberler.com կայքի փոխանցմամբ՝ 2015 թ. Հայոց ցեղասպանությանն ընդառաջ Թուրքիայում լույս է տեսել Հայոց ցեղասպանության եղելությունը ժխտող հերթական գիրքը: Իզմիրի նահանգի Քոնաք քաղաքի մշակութային կենտրոնում ներկայացվել է Ուլուչ Գյուրքանի «Հասկանալ Հայկական հարցը» վերնագրով գիրքը:
Գրքում հեղինակը ժխտում է Հայոց ցեղասպանության եղելությունը՝ նշելով, որ Առաջին համաշխարհային պատերազմի ժամանակ «տեղի է ունեցել» միայն տեղահանություն, իսկ այդ շրջանում վերապրած ցավն առնչվում է բոլորին և ոչ թե միայն հայերին:
Քոնաքի քաղաքապետ Հաքան Թարթանը հայտարարել է, որ բոլորին է անհրաժեշտ հասկանալ Հայկական հարցը, քանի որ մոտ ապագայում այս թեմայի շուրջ սպասվում են զգայուն խնդիրներ: Թարթանի խոսքերով՝ այդ գիրքը լուսավորում է իրենց:
Leave a Reply