Թուրքերը ջանում են «թրքացնել» Անին

Թուրքիայի մշակույթի նախարարությունը վերանորոգել եւ կրոնական արարողությունների համար բացել է Հայաստանի պատմական մայրաքաղաք Անիում գտնվող միակ «մզկիթը», որը նրանքեն կոչում: Թուրքերը համարում են, որ Անատոլիայում դա առաջին «թուրքական» մզկիթն է: Անիի հարավարեւելյան դարպասի մոտ գտնվող աշտարակն ու կից շինությունը ժամանակին կառուցվել է որպես դիտակետ:

Ինչպես հաղորդում է «Արմենպրես»–ը` վկայակոչելով թուրքական «Զաման» թերթը, Կարսի նահանգապետ Ահմեդ Քարան լրագրողների հետ զրուցում, ոչ ավել, ոչ պակաս, նշել է, որ «հավատացյալ զբոսաշրջիկների համար բացվում է պատմական Մետաքսե ճանապարհին գտնվող առաջին քաղաք Անիում մ.թ.ա. 5 հազար թվականներին կառուցված Էբուլ Մանուչեր առաջին մզկիթը» (իսլամն առաջացել է մեր թվարկության 6-7-րդ դարերում):

Նշելով, որ պատմական զբոսաշրջության համար Անին անգնահատելի արժեք է, թուրք նահանգապետը հավելել է, որ Անիում կվերանորոգվի նաեւ «թուրքական» Մուրադիե բաղնիքը: Ինչպես երեւում է` Թուրքիան Հայաստանի պատմական Անի մայրաքաղաքը «թրքացնելու» ջանքեր է գործադրում: 

http://armenpress.am/arm/news/686651/turqery-janum-en–trqacnel-anin.html