Թուրքիայում ավերվել է հայազգի երաժիշտ Օննո Թունչին նվիրված հուշարձանը

1996 թ-ին Թուրքիայի Յալովա քաղաքի մոտակայքում, ինքնաթիռի վթարի հետևանքով զոհված հայազգի երաժիշտ Օննո Թունջի հուշարձանը հիմնահատակ ավերվել է:

Ինչպես տեղեկացնում է «Աքշամ» պարբերականը, 10 տարի առաջ տեղադրված հուշարձանը պարբերաբար ենթարկվել էր հարձակումների. պոկել էին գրությունները, սալաքարերը: 15 օր առաջ անհայտ անձինք ամբողջությամբ քանդել են հուշարձանը:

«Օննո Թունչի ընտանիքը խորհրդակցել է իրենց հետ, և որոշել են երկու շաբաթվա ընթացքում ավելի «լավ ու ժամանակակից հուշարձան կառուցել»,- տեղեկացրել է Յալովայի քաղաքապետ Յաքուբ Միլգին Քոչալը:

Թուրքիայում հայտնի հայազգի երգահան-գործիքավորողը մահացել էր 48 տարեկան հասակում:

http://tert.am/am/news/2012/04/30/onno-tunc/