Թալեաթ փաշայի հեռագիրը` հղված Դիարբեքիրի նահանգապետարանին

«Ակունքի» ընթերցողներին ենք ներկայացնում մի ուշագրավ փաստաթուղթ, որը զարմանալիորեն տեղ է գտել Թուրքական պատմագիտական ընկերության (Türk Tarih Kurumu) պաշտոնական կայքէջում.

«Բարձր դուռ

Ներքին Գործերի նախարարություն

Ընդհանուր անվտանգության տնօրինություն

Դիարբեքիրի նահանգապետարանին

Ծածկագիր հեռագիր

Լուր է ստացվել, ըստ որի` վերջերս վիլայեթում գտնվող հայերի հետ մեկտեղ մյուս բոլոր քրիստոնյաներն էլ են կոտորվել, մասնավորապես` Մարդինում հայ հոգևորականի և հայերի մեջ գտնվող մյուս քրիստոնյա բնակչությունից յոթ հարյուր հոգի գիշերները քաղաքից դուրս են հանվել` հետագայում Դիարբեքիրից ուղարկված անձանց միջոցով, և ոչխարի պես խեղդամահ արվել, ու մինչ այժմ այդ կոտորածների ժամանակ սպանվածների թիվը ենթադրաբար 200 հազար հոգի է կազմել, և եթե անհապաղ ու կտրականապես վերջ չտրվի դրան, մտավախություն կա, որ շրջակա վիլայեթներում բնակվող մահմեդականները ևս ըմբոստանալով կոտորեն բոլոր քրիստոնյաներին:

Քանի որ բոլորովին տեղին չէ, որ հայերի վերաբերյալ որոշված քաղաքական միջոցները (Տեղահանության օրենքը), նրանց` հսկողության տակ պահելուն ուղղված միջոցառումները տարածվեն և կիրառվեն նաև մյուս քրիստոնյաների նկատմամբ, պետք է իսկույն վերջ տրվի նմանատիպ իրադարձություններին, դեպքեր, որոնք շատ վատ ազդեցություն են թողնելու հասարակայնության վրա, և հատկապես վտանգի տակ են դնելու քրիստոնյաների կյանքը, իսկ փաստերը պետք է բացահայտվեն»:

Նախարար

29-ը հունիսի, 1331 թ. (1915 թ.)

http://www.ttk.org.tr/index.php?Page=Sayfa&No=100

Թարգմանեց Մելինե Անումյանը

Akunq.net