Թուրքիայում թատերական ներկայացման մեջ ցուցադրվել է, թե ինչպես են իմամները սպանում հայերին

Թուրքիայի Օսմանիե քաղաքում դատապարտյալների համար կազմակերպված թատերական ներկայացման մեջ ցուցադրվել է, թե ինչպես են իմամները սպանում հայերին:

Ինչպես հաղորդում է «Արմենպրես»–ը` վկայակոչելով թուրքական «Ջիհան» լրատվական գործակալությունը, ներկայացման համար բեմադրողը դահիճ իմամների դերակատարման համար հրավիրել է Բայչեի իմամ Իսմայիլ Էֆենդիին եւ նրա քաղաքապետ եղբայր, իմամ Յուսուֆ Էֆենդիին: «Հայրենիքն ու նամուսը պաշտպանող մահմեդական թուրքեր» կոչված ներկայացումը պատմում է 1909-ին հայկական ջարդեր իրագործելու համար մահվան դատապարտված իմամ եղբայրների «հերոսությունների» մասին:

Թուրքիայի իսլամիստ վարչապետ Ռեջեփ Թայիփ Էրդողանը օրերս հայտարարել է, որ իմամ աճեցնող վարժարաններն ու դպրոցները պետք է շատացվեն, զարգացվեն եւ լինեն պետության «աչքի լույսը»: Ակնհայտ է, թե ժամանակին նման վարժարանում ուսանած թուրք վարչապետը ինչպիսի երիտասարդություն է ցանկանում դաստիարակել: 

http://armenpress.am/arm/news/689452/turqiayum-taterakan-nerkayacman-mej-cucadrvel-e-te.html