Դիարբեքիրի Սուրբ Կիրակոս եկեղեցու վերանորոգումը նյութական սղության պատճառով դադարեցվել է

«Հյուրիեթ» պարբերականի հաղորդմամբ Մերձավոր Արևելքի ամենամեծ եկեղեցին հանդիսացող Դիարբեքիրի Սուրբ Կիրակոս եկեղեցու` 2010 թ. սկսված վերանորոգման և վերականգնման աշխատանքները նյութական սղության պատճառով դադարեցվել են:

Վերանորոգման աշխատանքների շրջանակում ծախսվել է երկու միլիոն լիրա, որից մեկ միլիոնը տվել է Դիարբեքիրի քաղաքապետարանը: Վերանորոգվել է մեծ եկեղեցին, որի բացումը եղել է 2011 թ. հոկտեմբերին: Իսկ փոքր եկեղեցին, քահանայի տունը, իջևանատունն ու խոհանոցը նյութական սղության պատճաով  չեն վերանորոգվել: Վերանորոգման աշխատանքներն ավարտին հասցնելու համար, ԱԱՀ-ն ներառյալ, անհրաժեշտ է ևս 1 միլիոն 200 հազար լիրա:

Մոսկվայում եկեղեցու համար պատրաստվող 100 կգ կշռող բրոնզե զանգը բերվելու է Դիարբեքիր, երբ պատրաստ լինի: Եկեղեցու առաջին զանգակատան աշտարակը 1883 թ. կայծակից փլվել է, իսկ այնուհետև հայ վարպետ Դավիդ Հըզըրջյանի կառուցած 29 մ բարձրություն ունեցող զանգակատան աշտարակը, որի վրա ոսկե խաչ է եղել, 1915 թ. թնդանոթով քանդել են` պատճառաբանելով, թե քաղաքի մզկիթների մինարեթներից բարձր է:

Akunq.net

26.04.2012