Անիում պեղումները կվերսկսվեն. թուրք պաշտոնյա

Կարսի նահանգի մշակույթի եւ զբոսաշրջության վարչության պետ Հաքան Դողանայը թուրքական լրատվամիջոցներին տեղեկացրել է, որ Անիում պեղումները կվերսկսվեն հունիսից:

Ինչպես հաղորդում է «Արմենպրես»–ը` վկայակոչելով թուրքական «Սոնդաքիքա» լրատվական կայքը, թուրք պաշտոնյան լրագրողներին ասել է, որ Մետաքսի ճանապարհի վրա գտնվող Անին մշակույթների խաչմերուկ է եղել: «Անին մի աշխարհ է, բայց աշխարն ուրիշ Անի չունի», -ասել է նա:

«Պեղումներն Անիում դադարեցվել են երկու տարի առաջ: Այս տարի պեղումներ կկատարվեն Անիի Սուրբ Փրկիչ եկեղեցու մոտ: Աշխատանքներ կկատարվեն նաեւ եկեղեցու մնացորդները պահպանելու ուղղությամբ: Այդ աշխատանքների ընթացքում կտեղադրվի նաեւ Անիի կանգուն շինությունների ճաքերն ու ճեղքվածքները ուսումնասիրելու համար Համաշխարհային մշակութային հիմնադրամի կողմից տրամադրված սարքը», -ասել է թուրք պաշտոնյան: 

http://armenpress.am/arm/news/689416/anium-pexumnery-kversksven-turq-pashtonya.html