Հայաստանում բնակվող Հայոց ցեղասպանությունը վերապրածների մեծամասնությունը կանայք են

Հայաստանի Հանրապետությունում 2011թ-ի հուլիսի 1 տվյալներով բնակվում է 1915թ-ին Օսմանյան Թուրքիայի կողմից իրականացված Հայոց ցեղասպանությունը վերապրած 126 անձ: Ինչպես «Արմենպրես»-ի հետ զրույցում նշեց Ազգային վիճակագրական ծառայության սոցիալական ոլորտի եւ բնակչության վիճակագրության բաժնի պետ Նելլի Բաղդասարյանը, նրանցից 96-ը կին են, 30-ը տղամարդ: «2010թ-ին նույն ժամանակահատվածում ապրում էր ցեղասպանությունը վերապրած 156 մարդ, 121-ը` կին, 35-ը տղամարդ»,-նշեց Բաղդասարյանը:

Հայոց ցեղասպանությունը վերապրած անձիք ստանում են 37 հազար 88.3 դրամ կենսաթոշակ, իսկ զինվորական թոշակ է ստանում մեկ տղամարդ. գումարը կազմում է 29 հազար 468 դրամ: 

Ապրիլի 24-ին լրանում է Թուրքիայի կառավարող շրջանների կողմից կազմակերպված Հայոց ցեղասպանության 93-րդ տարելիցը:

1892-1923 թթ. զանգվածային տեղահանության է ենթարկվել եւ բնաջնջվել Արեւմտյան Հայաստանի, Կիլիկիայի եւ Օսմանյան կայսրության նահանգների հայ բնակչությունը։ Պայմանականորեն Ցեղասպանության սկիզբն է համարվում 1915թ-ի ապրիլի 24-ը, երբ Կոստանդնուպոլսում ձերբակալվեցին 250 հայազգի մտավորականներ։ Մեծ Եղեռնը հրեական Հոլոքոստի հետ մեկտեղ աշխարհում ամենաշատ ուսումնասիրված ցեղասպանությունն է:

http://armenpress.am/arm/news/688870/hayastanum-bnakvox-hayoc-cexaspanutyuny-verapratsneri.html