Հրանտ Դինքի սպանությունն ուղղորդած Էրհան Թունջելի մորաքույրը հայ է եղել

«Ակօս» թերթի նախկին գլխավոր խմբագիր Հրանտ Դինքի սպանության գործում որպես սպանության ուղղորդող մեղադրվող Էրհան Թունջելը թուրքական գործակալություններից մեկի հետ հարցազրույցում նշել է, որ իր մորաքույը հայ է:

Ինչպես հաղորդում է «Արմենպրես»-ը` վկայակոչելով Posta գործակալությունը, նա մասնավորապես ասել է. «Ճիշտ չէ, որ իմ տատը հայ է, սակայն տեղահանության ժամանակ մեր ընտանիքը հարևանի հայ աղջկան որդեգրել է։ Պարզապես մորաքույրս է հայ»:

Ոստիկանության նախկին գործակալ Էրհան Թունջելը տեղափոխվել է Ստամբուլի Բաքըրքյոյ թաղամաս, որտեղ բնակվում են նաև Դինքի ընտանիքի անդամները։

Վերջինս նույն գործակալությանը հայտնել է նաև, որ սպանության մեջ պետք է մեղադրել ցմահ դատապարտված Յասին Հայալին՝ պնդելով, թե նա էրգենեքոնական է, ու չպետք է նրան այդքան անտեսել։ 

http://armenpress.am/arm/news/688811/hrant-dinqi-spanutyunn-uxxordats-erhan-tunjeri-moraquyry.html