Թուրքիայում բնակվող հայերն իրավական պայքար են սկսել հայկական գյուղը վերադարձնելու համար

Վերջին շրջանում Թուրքիայում հայկական համայնքին պատկանող սեփականյան վերադարձը պատճառ է հանդիսացել, որպեսզի Թուրքիայում բնակվող հայերը կրկին հանդես գան արդար պահանջատիրությամբ: Ինչպես հաղորդում է «Արմենպրես»-ը, քրդական Firatnews.com-ը տեղեկացնում է, որ այս անգամ հայերն իրավական պայքար են սկսել Բաթմանի Սասուն գավառում գտնվող Աջար գյուղը վերադարձնելու համար:

Ներկայում գյուղի բնակիչները հայերի բարձրացրած պահանջի կապակցությամբ նշել են, որ ժամանակին իրենք այս գյուղը գնել են, սակայն հայկական կողմը մերժում է այս հայտարարությունը: Կողմերի միջև անհամաձայնության արդյունքում գործը տարվել է դատարան: Սասունի կադաստրային դատարանում, որտեղ այժմ քննվում է գործը, Աջարի գյուղապետ Շիրին Էքմենը հայտարարել է, որ 1986 թվականին գյուղի գնումն ապացուցող վկայություններ կան, որոնք այժմ գտվում են իրենց ձեռքում:

Աջար գյուղի նախկին հայ բնակիչներն իրենց հերթին հայտարարել են, որ 1986 թվականին տեղի ունեցած դեպքերի պատճառով են իրենք ստիպված եղել լքել գյուղը, որը մի շարք այլ գյուղի բնակիչների կողմից սեփականացվել է: Հայկական կողմը հայտարարել է, որ իրենց մոտ ևս կան փաստեր, որոնք ապացուցում են այն, որ գյուղն իրենց է պատկանել:

http://armenpress.am/arm/news/688874/turqiayum-bnakvox-hayern-iravakan-payqar-en-sksel-haykakan.html