Թուրքիայում բնակվող մի խումբ հայ մտավորականներ իրենց բողոքն են արտահայտել երկրում լույս տեսնող Hurriyet պարբերականի դեմ` ռասիզմ և խտրականություն սերմանող հյոդվածների համար: Այս մասին հաղորդում է «Արմենպրես»–ը` վկայակոչելով HyeTert-ը:
Թուրքիայում բնակվող հայ մտավորականներ Նադյա Ույգունը և Սարգիս Ադամը իրենց հայտարարության մեջ նշել են, որ պարբերականը անգամ ամենափոքր հոդվածն օգտագործում է խտրականություն և ատելություն սերմանելու համար: Նրանք հայտարարել են, որ թերթում լույս տեսած հոդվածները շատ մարդկանց դժբախտությունների և սպանության պատճառ են դարձել: «Ավելի գեղեցիկ աշխարհ ունենալու համար եկեք այլևս չկարդանք Hurriyet պարբերականը: Այս կոչը բոլոր այն լավ մարդկանց համար է, ովքեր հարգում են մարդու իրավունքները, հավատում են ժողովուրդների և հավատքի ազատությանը»,- ասված է հաղորդագրության մեջ:
Leave a Reply