Քրդերը պահանջել են նոր սահմանադրության մեջ հաշվի առնել փոքրամասնությունների իրավունքները

«Քրդերեն լեզվի զարգացման և ուսումնասիրման ընկերություն»-ը Թուրքիայի Սահմանադրական հանձնաժողով է ներկայացրել նոր սահմանադրության կազմման գործում իրենց ունեցած տեսակետներն ու առաջարկները: Այս մասին հաղորդում է «Արմենպրես»–ը` վկայակոչելով «Ակօս» պարբերականը:

Ընկերությունը նշել է, որ եթե սահմանադրությունը չպատրաստվի` հաշվի առնելով Թուրքիայի աշխարհագրության և հասարակության առանձնահատկությունները, ապա այն չի կարողանա պատասխանել հանրության պահանջներին: 1876 թվականից ի վեր թուրքական սահմանադրությունները չեն պատասխանել ժողովրդի պահանջներին: «Քրդերեն լեզվի զարգացման և ուսումնասիրման ընկերություն»-ը պահանջել է, որպեսզի նոր սահմանադրությունը Թուրքիային տանի դեպի խաղաղություն և ժողովրդավարություն:

Ընկերության անդամները պահանջել են ճանաչել բոլոր ազգային փոքրամասնությունների` մայրենի լեզվով կրթություն ստանալու իրավունքը, խղճի և մտքի ազատությունը, ուշադրություն դարձնել միջազգային համաձայնագրերին:

http://armenpress.am/arm/news/688547/qrdery-pahanjel-en-nor-sahmanadrutyan-mej-hashvi-arnel.html