Սպանված հայ զինվորի հիշատակման համար Ստամբուլում քայլերթ է անցկացվելու

Թուրքական բանակում սպանված հայազգի Սևակ Բալըքչըի մահվան առաջին տարելիցի կապակցությամբ Թուրքիայում նախատեսվում է միջոցառում իրականացնել: Ինչպես հաղորդում է «Արմենպրես»–ը, վկայակոչելով թուրքական yesilgazete.org կայքը, ապրիլի 21-ին նախատեսվում է քայլերթ անցկացնել Գալաթասարայ թաղամասից դեպի Թաքսիմ հրապարակ: Երթի ժամանակ մասնակիցները փորձելու են ուշադրությունը գրավել ոչ միայն Սևակի, այլ նաև թուրքական բանակում այլ զինվորների սպանությունների վրա: Երթի մասնակիցների արած հայտարարության մեջ ասվում է. «Սևակ Բալըքչըի սպանությունը դեռ դատապարտված չէ: Այս օրերին, երբ մոտենում է ապրիլի 24-ը, տեսնում ենք, որ 1915 թվականի նման մի երկրում, որտեղ սպանում են հայի, մարդասպանները շարունակում են անպատիժ մնալ, իշխանության մարմինները հրապարակավ ֆաշիզմ և ռասիզմ են քարոզում»: Նրանք հայտարարել են, որ «կատակ», «ինքնասպանություն» պիտակներ տրվող սպանությունները, որոնց իրական կատարողները թաքցվում են, պետք է ջրի երես դուրս բերվեն:

2011 թվականի 24-ին, Հայոց ցեղասպանության 96-րդ տարելիցին հայազգի Սևակ Բալըքչըն սպանվեց իր զորանոցում ծառայող Քըվանչ Աղաօղլուի արձակած փամփուշտից: Թուրքական դատարանը սպանությունը համարեց «պատահականության» հետևանք, և մարդասպանը առաջին իսկ դատական նիստից հետո ազատ արձակվեց:

http://armenpress.am/arm/news/688669/spanvats-hay-zinvori-hishatakman-hamar-stambulum-qaylert.html