Թուրքիան պետք է ճանաչի Հայոց ցեղասպանությունը եւ հողային փոխհատուցում վճարի հայերին. թուրք երաժիշտ

Ստամբուլի Բիլգի համալսարանի «Հակակապիտալիստ ուսանողների ակումբ»-ը ապրիլի 17-ին կազմակերպել էր քննարկում. «Ի՞նչ է եղել ապրիլի 24-ին, ի՞նչ է եղել հունվարի 19-ին» խորագրով։

«Հակակապիտալիստ ուսանողների ակումբ»-ի կայքի փոխանցմամբ՝ Բիլգի համալսարանում Հայոց ցեղասպանության թեմային նվիրված քննարկմանը մասնակցել են ստամբուլահայ գրող Բագրատ Էստուկյանը, սոցիոլոգ Արուս Յումուլը, երաժիշտ Թոլգա Թուզուն եւ բազմաթիվ ուսանողներ։

Բագրատ Էստուկյանը նշել է, թե 30 տարի առաջ չէր էլ կարող պատկերացնել, որ համալսարանում թուրքերի հետ նման թեմայով հնարավոր կլիներ խոսել։

Հանդիպման բանախոսներից Թոլգա Թուզուն ասել է, որ  թուրքերը ստիպված են ընդունել իրականությունը՝ առերերսվելով Հայոց ցեղասպանության հետ։ Նա նշել է, թե անհրաժեշտ է, որ Թուրքիան հայերին փոխհատուցում վճարի, այդ թվում եւ` հողային։

Թոլգա Թուզունը ներկաներին կոչ է արել ապրիլի 24-ին` երեկոյան 19։15-ին, լինել Ստամբուլի Թաքսիմի հրապարակում՝ հիշատակելու 1915-ի զոհերին։ 

http://news.am/arm/news/101995.html