PKK-ի համակիրները Վատիկանից պահանջում են ուշադրություն դարձնել քրդական խնդրին Թուրքիայում

Քրդստանի աշխատավորական կուսակցության (PKK) մոտ 20 համակիրներ ապրիլի 18-ի առավոտյան մտել են Հռումում Վատիկանի մամուլի գրասենյակ եւ PKK-ի առաջնորդ Աբդուլլա Օջալանին բանտից ազատելու պահանջով լոզունգներ պարզել: Այս մասին, ինչպես հաղորդում է «Արմենպրես»–ը` վկայակոչելով CNNTurk-ը, հայտնել է իտալանական Adnkronos լրատվական գործակալությունը:

PKK-ի համակիրները հայտարարել են, որ այդ գործողությանն իրենք դիմել են Վատիկանի ուշադրությունը Թուրքիայում քրդական խնդրի լուծմանը սեւեռելու համար: Վատիկանի իրավասուները ԶԼՄ-ներին հայտնել են, որ մամուլի գրասենյակի պատասխանատուները հանդիպել են PKK-ի կողմնակիցների հետ, որից հետո վերջիններս հեռացել են: 

http://armenpress.am/arm/news/688446/pkk-i-hamakirnery-vatikanic-pahanjum-en-ushadrutyun-dardznel.html