Թուրքիայի գլխավոր ընդդիմադիր կուսակցությունը ուսումնասիրելու է Հայոց ցեղասպանության մասին փաստաթղթերը

Թուրքիայում գլխավոր ընդդիմադիր Ժողովրդահանրապետական կուսակցությունը պատրաստվում է ուսումանսիրել Հայոց ցեղասպանության վերաբերյալ փաստաթղթերը: Այս մասին հաղորդում է «Արմենպրես»–ը` վկայակոչելով թուրքական Haberler.com կայքը:

Ժողովրդահանրապետական կուսակցության Կենտրոնական ղեկավարման խորհուրդը կուսակցության առաջնորդ Քեմալ Քըլըչդարօղլուի գլխավորությամբ հավաք է անցկացրել կենտրոնական գրասենյակում: Շուրջ 2 ու կես ժամ տևած հավաքից հետո հայտնի է դարձել, որ Կենտրոնական ղեկավարման խորհուրդը նախկին պատգամավոր և դեսպան Շուքրու Էլեքդաղից պահանջել է ուսումնասիրել Հայոց ցեղասպանության վերաբերյալ փաստաթղթերը և դրա շուրջ պատրաստել զեկույց: Էլեքդաղի գերխնդիրն է պարզել, թե «իրականում ինչ է թաքնված 1915 թվականի պնդումների տակ»:

http://armenpress.am/arm/news/688486/turqiayi-glkhavor-ynddimadir-kusakcutyuny-usumnasirelu.html