Ստամբուլի Թաքսիմ հրապարակում հակահայկական պաստառներ պարզած մարդիկ ազատ են արձակվել

Ստամբուլի Թաքսիմ հրապարակում փետրվարի 26-ին Աղդամի իրադարձությունների 20-ամյա տարիլիցի կապակցությամբ Ադրբեջանի եւ Թուրքիայի իշխանությունների աջակցությամբ կազմակերպված հակահայկական ռասիստական ակցիայի ժամանակ հակահայկական պաստառներ կրելու համար ձերբակալված 9 մարդիկ ազատ են արձակվել: Այս մասին, ինչպես հաղորդում է «Արմենպրես»-ը, հայտնում է թուրքական «Դողան»լրատվական կայքը:

Փետրվարի 26-ի հակահայկական ակցիային ադրբեջանցի էմիսարների հետ մասնակցել է նաեւ Թուրքիայի ներքին գործերի նախարարը, ով իր ելույթում հակահայկական ռասիստական կոչեր է հնչեցրել:

Ակցիայի ժամանակ 2007 թ-ին թուրքական ազգայնական շրջանակների կողմից դավադրաբար սպանված Ստամբուլի «Ակօս» հայալեզու թերթի գլխավոր խմբագիր Հրանտ Դինքի մարդասպաններ Օգյուն Սամասթի եւ Յասին Հայալին գովաբանող պաստառներ են պարզվել: Ռասիստական հակահայկական այդ ակցիան քննադատության է ենթարկվել Թուրքիայի առաջադեմ հասարակայնության եւ Եվրամիության կողմից:

Ստամբուլի հանրապետական դատախազությունը ձերբակալել էր ռասիստական պաստառներ պարզած 9 մարդկանց, որոնցից երկուսը կին էին: Դատախազությունը 1,5 ամիս տեւած հետաքննությունից հետո ծիծաղելի հիմնավորմամբ ազատ է արձակել նրանց: Կասկածյալները դատախազությանը հայտնել են, թե «չգիտեն ովքեր են իրենց տվել այդ պաստառները եւ ինչ բովանդակություն են ունեցել դրանք»:

http://armenpress.am/arm/news/688309/stambuli-taqsim-hraparakum-hakahaykakan-pastarner-parzats.html