Հայոց ցեղասպանությունը ճանաչած Զարաքօլուն Անկարայում մրցանակի է արժանացել

Հայոց ցեղասպանությունը ճանաչած մտավորական Ռագըփ Զարաքօլուն Անկարայի համալսարանում արժանացել է «Խտրականության դեմ պայքարի» մրցանակի: Այս մասին հաղորդում է «Արմենպրես»–ը` վկայակոչելով հայկական «Ակօս» պարբերականը:

Զարաքօլուն օրեր առաջ հայտարարել էր, որ այսուհետ չի խոսելու լրատվամիջոցների համար` իր արարքը պատճառանբանելով երկրում մարդու իրավունքների ոտնահարմամբ: Անկարայի համալսարանի ուսանող Էսմա Յըլմազը, բոլորի ներկայությամբ բարձրաձայն կարդալով մտավորականի նամակը, նրան պատասխանել է հետևյալ խոսքերով. «Ոչինչ չենք մոռանա»:

Զարաքօլուն իր խոսքի համաձայն չի ներկայացել հանձնման արարողությանը, նրա մրցանակն իր փոխարեն ստացել է քույրը:

http://armenpress.am/arm/news/688167/hayoc-cexaspanutyuny-tchanachats-zaraqolun-ankarayum.html