Մայիսին Հայաստանում լույս կտեսնի Հայոց ցեղասպանության մասին եռահատոր գիրք

Մայիսին Երևանում լույս կտեսնի Հայոց ցեղասպանության 100-ամյա տարելիցին նվիրված եռահատոր գիրք: Ինչպես ապրիլի 16-ին լրագրողների հետ հանդիպմանը հաղորդել է Ազգային արխիվի տնօրեն Ամատունի Վիրաբյանը, եռահատորը կհավաքի այն ժամանակվա բոլոր փաստերը: Առաջին հատորը նվիրված կլինի Վանին, երկրորդը` Թիֆլիսի նահանգին, իսկ երրորդը` Կարինին, Տիգրանակերտին և Տրապիզոնին: Վիրաբյանի հավաստմամբ` հետագայում նախատեսվում է չորրորդ հատորի լույս ընծայում, որը կընդգրկի 1918-1922 թվականները և կհիմնվի այն տարիներին Հովհաննես Թումանյանի ժողոված նյութերի վրա: Նրա ասելով` մեծ գրողի գործունության արդյունքում հավաքվել է 29 հազար անկետա: Վիրաբյանը նաև հաղորդել է, որ անկետաների և արխիվային նյութերի հիման վրա Հայաստանում կստեղծվի էլեկտրոնային գրապահոց: Ազգային արխիվի տնօրենի հավաստմամբ` Մեծ եղեռնի 100-րդ տարելիցին առնչվող ծրագրերից մեկն էլ վերաբերում է հայկական եկեղեցիների ճակատագրին Թուրքիայի տարածքում:

Նա նաև նշել է, որ ավելի վաղ նախատեսվում էր, որ եռահատորը կտպագրվի 2015 թվականին, սակայն մոսկվահայերի նախաձեռնության շնորհիվ եռահատորը լույս կտեսնի արդեն մայիս ամսին: Առաջիկա տարիներին գիրքը կթարգմանվի անգլերեն, ռուսերեն և թուրքերեն, իսկ հետագայում` նաև ֆրանսերեն:

http://arminfo.am/armenian/culture/article/16-04-2012/20-45-00