Թուրքիայի կրթության նախարար Օմեր Դինչերը հայտարարել է, որ իրենք քննարկում են քրդերենը թուրքական դպրոցներում ընտրովի առարկա դարձնելու հարցը: Այս մասին հաղորդում է «Արմենպրես»–ը` վկայակոչելով թուրքական «Հուրիեթ» պարբերականը:
«Քրդերենը չի համարվում «օտար լեզու», այդ իսկ պատճառով մենք աշխատում ենք օրենսդրության վրա` տեսնելու`արդյոք կա՞ խոչընդոտ դրա համար, թե ոչ»,- ասել է Դինչերը` հավելելով, որ խոչընդոտի առկայության դեպքում նոր բանաձև կմշակվի, քանի որ դա պետական քաղաքականություն է:
Կրթության նախարարը խոսել է նաև դպրոցներում ընտրովի կրոնական դասընթացներ առաջարկելու իրենց մտադրության մասին: Դինչերի խոսքով` այս ամենը կվկայեն երկրի կրթական համակարգի ժողովրդավարության մասին:
Leave a Reply