Թուրքիայում Հայոց ցեղասպանության տարելիցին նվիրված ցույցեր կանցկացվեն

Թուրքական հասարակական կազմակերպությունները  նախատեսում են բողոքի ցույց անցկացնել Թուրքիայում, որը նվիրված կլինի 1915 թվականին Օսմանյան կայսրությունում հայերի բռնի տեղահանմանը: Այս մասին հաղորդում է «Արմենպրես»–ը` վկայակոչելով թուրքական Hurriyet Daily-ն:

Ցույցի նախաձեռնողները Մարդու իրավունքների ասոցիացիայի և «Ոչ ասա ռասիզմին» նախաձեռնության անդամներն են: Գլխավոր ցույցն անցկացվելու   է Ստամբուլի Թաքսիմ հրապարկում: Նախքան ապրիլի 24-ը նմանատիպ ցույցեր տեղի կունենան նաև Թուրքիայի այլ շրջաններում: Կազմակերպիչները նշել են, որ ոչ մի պարագայում սուտը չի կարող հավերժ մնալ, եթե իրենք ցանկանում են տեսնել իրականությունը: «Հայոց ցեղասպանության ճանաչումը ներկայացնում է Էթնիկական, օրինական, քաղաքական և սոցիալական ամբողջական պատասխանատվություն»,- նշել է «Մարդու իրավունքների» ընկերության անդամ Այշե Գյունասուն: Նա հայտնել է, որ միայն անցյալի ցավի գիտակցումը թույլ կտա ավելի ժողովրդավարական դարձնել Թուրքիան: Կազմակերպիչները նաև ուշադրություն են հրավիրել 2011 թվականի ապրիլի 24-ին հայազգի Սևակ Բալըքչի սպանության վրա:

Երկու հասարակական կազմակերպություններն էլ նմանատիպ ցույցեր կազմակերպել են նաեւ 2011 թվականի ապրիլի 24-ին` Ստամբուլում, Անկարայում, Իզմիրում, ինչպես նաև Թուրքիայի այլ շրջաններում: 

http://armenpress.am/arm/news/687772/turqiayum-hayoc-cexaspanutyan-tarelicin-nvirvats-cuycer.html