Ավստրալիայի խորհրդարանականները կմասնակցեն Հայոց ցեղասպնության տարելիցին նվիրված միջոցառմանը

Ավստրալիայի դաշնային եւ նահանգային բազմաթիվ պատգամավորներ կմասնակցեն Հայոց ցեղասպնության տարելիցին նվիրված միջոցառմանը: Այս մասին «Արմենպրես»-ին տեղեկացրին Ավստրալիայի Հայ դատի հանձնախմբից: Պատգամավորների մասնկացությունը միտում ունի միջոցառումը դարձնել քաղաքական աջակցության ամենահզոր դրսեւորումը, որպեսզի Ավստրալիան ճանաչի Հայոց ցեղասպանությունը:

Ապրիլի 24-ին կայանալիք միջոցառմանը կմասնակցի հայ-ավստրալական համայնքը, սենատորներ Նիք Քսենոֆոնը, Ջոն Մադիգանը, խորհրդարանի անդամներ Ջո Հոքին, Ջոն Ալեքսանդրը, Փոլ Ֆլեթչերը, Սքոթ Մորիսոնը, ինչպես նաեւ Նոր հարավային Ուելսի խորհրդարանականներ Վիկտոր Դոմինելոն, Ուոլտ Սեկորդը, Կոլեն Հարթլանդը, Ամանդա Ֆազիոն եւ այլք:

«Շատ հաճելի է, որ նահանգային եւ դաշնային խորհրադարանների մեր ընկերները միանում են մեզ Հայոց ցեղասպանության տարելիցին նվիրված միջոցառմանը մասնակցելու համար: Ողջ քաղաքական սպեկտորից քաղաքական գործիչների այսպիսի ռեկորդային թվի մասնակցությունը քաղաքական աջակցության հզոր ուղերձ է Ավստրալիայում Հայոց ցեղասպանությունը ճանաչելու համար»,- նշել է Ավստրալիայի Հայ դատի հանձնախմբի գործադիր տնօերն Վարանդ Մեգերդեչյանը:

Մասնակից խորհրդարանականները հանդես կգան ելույթով, եւ կլինի հատուկ ներկայացում պրոֆեսոր Հենրի Թերիոյի կողմից, ով կքննարկի իրավական եւ էթիկական առաջարկները Հայոց ցեղասպանության հատուցման գործըթացների համար:  

http://armenpress.am/arm/print/687594/