Փոքրամասնությունների դպրոցներն առանձին օրենսդրություն են պահանջում

Թուրքիայում առկա են 16 հայկական, 5 հունական, 1 հրեական դպրոցներ, որոնք բոլորն էլ գտնվում են Ստամբուլում, և այդ դպրոցներում ուսանում են 3070 հայ, 210 հույն և 580 հրեա սաներ: Այդ դպրոցների համար պետք է հրապարակել առանձին օրենքներ և կանոնագրեր, քանի որ նրանք տարբերվում են իրարից:

«Ֆըրաթ» լրատվական գործակալության հաղորդմամբ` Պատմության հիմնադրամում սույն թեմայի շուրջ կազմակերպված քննարկմանը նշվել է, թե նոր կանոնագրով փորձում են տրամադրություն ստեղծել, թե իբր լուծումներ են ապահովում փոքրամասնությունների դպրոցների խնդիրների համար: Ժողովում շեշտվել է, որ «այնինչ փոքրամասնությունների դպրոցների խնդիրները պահպանվել են»: Ժողովի ժամանակ հրապարակված տեղեկության համաձայն` շատ քիչ թվով աշակերտներ են ուսանում հատկապես հունական դպրոցներում:

Որպես օրինակ է բերվել Զողրաֆյոն հունական լիցեյը, որը թեև կարող է 300-ի չափ սաներ պահել, սակայն այնտեղ ուսանողների թիվն ընդամենը 42-ն է:

Ստամբուլում գոյություն ունեն նաև փոքրամասնությունների` 20-ից ավելի այնպիսի դպրոցներ, որոնք թեև պաշտոնապես բաց են համարվում, սակայն չեն կարողանում աշխատել` ոչ բավարար թվով սաներ ունենալու և այլ պատճառներով:

Այդ խնդիրները շտապ լուծում են պահանջում, որպեսզի կրթություն ապահովող փոքրամասնությունների դպրոցները կարողանան պահպանվել:

Akunq.net