Ձերբակալութեանս նման ազատ արձակումս եւս անսպասելի էր. Զարաքօլու

Պոլսոյ ծանր յանցագործութիւններու 15-րդ դատարանը երէկ կայացուցած որոշումը կատարած է եւ՝ ազատ արձակած Ռակըփ Զարաքօլուն:

Բանտէն դուրս գալէն ետք ան ճեպազրոյց ունեցած է եւ նշած, որ իրեն համար ինչպէս իր ձերբակալութիւնը անակնկալ եղած է, այնպէս ալ բանտէն ազատ արձակուիլը:

«Ոչ բանտարկելու ժամանակ կարծիքս հարցուցին, ո’չ ալ ազատելու ժամանակ»,- ըսած է ան:

Անդրադառնալով իրեն ուղղուած մեղադրանքներուն, թէ ահաբեկչական ուժերու քաղաքական ակադեմիաներուն մէջ դասաւանդելով՝ օժանդակած է ահաբեկչական խմբաւորման, Զարաքօլու զանոնք անիմաստ եւ անհիմն համարած է:

«Քաղաքական ակադեմիաներ աշխարհի բոլոր կուսակցութիւնները ունին: Ես դասաւանդած եմ նաեւ արտասահմանի մէջ, օրինակ` Գերմանիոյ սոցիալ-դեմոկրատական կուսակցութեան ակադեմիային մէջ: Այս միջադէպը իրականութեան մէջ ցոյց կու տայ, թէ ինչպիսի խտրական վերաբերմունք կայ»,- ըսած է ան:

http://tert.am/hy/news/2012/04/11/zarakolu/