Երևանում լույս է տեսել պատմական գիտությունների դոկտոր Արսեն Ավագյանի «Հյուսիսկովկասյան քաղաքական վտարանդիությունը Թուրքիայի արտաքին քաղաքականության համատեքստում (1920-1971 թթ.)» վերտառությամբ գիրքը (պատ. խմբագիր` Նիկոլայ Հովհաննիսյան, խմբագիր` Դավիթ Չիլինգարյան, Երևան, 2011, 343 էջ):
Արսեն Ավագյանի մենագրությունը նվիրված է հայ պատմագրության մեջ տակավին չուսումնասիրված մի խնդրի: Գրքում տարատեսակ ու բազմաբնույթ արխիվային փաստաթղթերի, իրադարձությունների մասնակիցների, քաղաքական գործիչների և ականատեսների հուշագրությունների, հյուսիսկովկասյան վտարանդիության պարբերականների ու տարբեր լեզուներով հրատարակված գրականության գիտական վերլուծության հիման վրա ներկայացվում են 1920-ական թթ. հյուսիսկովկասյան վտարանդիության քաղաքական գործունեությունը, Թուրքիայի արտաքին քաղաքականության ոլորտում կառավարող շրջանների կողմից հյուսիսկովկասյան վտարանդիության օգտագործման ռազմավարական ուղեգիծը, ինչպես նաև` տարբեր պետություններով ցրված հյուսիսկովկասյան վտարանդիության 1920-1971 թթ. ընդհանուր պատմությունը:
Akunq.net
Leave a Reply