Յայտնի հրատարակիչ Ռակըպ Զարաքօլու ազատ արձակուած է

Սթամպուլի ծանր յանցագործութիւններու 15-րդ դատարանը ազատ արձակած է թուրք հրատարակիչ, իրաւապաշտպան, հայամէտ դիրքորոշմամբ յայտնի Ռակըպ Զարաքօլուն, կը տեղեկացնէ «Անատոլու» գործակալութիւնը:

Անոր հետ միասին ազատ արձակուած են Քրտական աշխատաւորական կուսակցութեան (PKK) «Քրտական համայնքներու միութեան» (KCK), ահաբեկչական օգնութիւն ցուցաբերելու համար մեղադրուող եւս 15 անձ:

Յիշեցնենք, որ Ռակըպ Զարաքօլուի դէմ գործ յարուցուած էր «ահաբեկչական խմբաւորման աջակցութիւն ցուցաբերելու» մեղադրանքով:

Սթամպուլի դատախազութիւնը արդէն պատրաստած է մեղադրական ակտը, ըստ որուն, եթէ մեղադրանքը հաստատուի, Հայոց ցեղասպանութեան մերժողականութեան դէմ պայքարող եւ նոյն այդ գործունէութեան համար բազմիցս քրէական հետապնդման ենթարկուած թուրք իրաւապաշտպանին կը սպառնայ 7.5-էն 15 տարուան ազատազրկում:

Գործով Ռակըպ Զարաքօլուի հետ միասին 193 մեղադրեալ կայ, որոնցմէ կալանքի տակ կը պահուէին 147-ը:

http://tert.am/hy/news/2012/04/10/zarakolu/?sw