ՄՈՍԿՎԱՅՈՒՄ Սիբիլը «ԿԱԽԱՐԴԱԿԱՆ ՁԱՅՆ» մրցանակ է ստանալու, իսկ մինչ այդ երգել է ՆՅՈՒ ՅՈՐՔՈՒՄ

Ռուսաստանի մայրաքաղաք Մոսկվայում, «Ռոսիա» համերգասրահում  ապրիլի 7-ին կայանալիք «Արմենիա» երաժշտական մրցանակաբաշխության 7-րդ արարողությանը,  «Կախարդական ձայն» անվանակարգում հաղթող է ճանաչվել թուրքահայ երգչուհի Սիբիլ Բեկթորոսօղլուն:

Սիբիլը ծնվել է Ստամբուլում, երգել սկսել է եկեղեցական երգչախմբում: Երգչուհու ծնողները նրան Սիբիլ են անվանել հայ գրող Զաբել Ասատուրի պատվին, ում մականունը Սիբիլ է:

Հավելենք, որ «Արմենիա» երաժշտական մրցանակաբաշխության 7-րդ արարողությանը մրցանակներ է հանձնվելու 21 անվանակարգում:

Իսկ մինչ այդ՝ C.A.R.S. Հայրենակցական Միության անմիջական նախաձեռնությամբ, մարտի 31-ին թուրքահայ ճանաչված երգչուհին մենահամերգով հանդես է եկել Նյու Յորքում:

Համերգային ծրագրում տաղանդաշատ երգչուհու կատարմամբ հնչել են Վլ. Բալյանի, Ալ. Հեքիմյանի ,Խ. Ավետիսյանի, Էդ. Հովհաննիսյանի, Հ. Բերբերյանի, ինչպես նաեւ հայկական ժողովրդական եւ ազգագրական երգեր:

Համերգին իր մասնակցությունն է բերել նաեւ Նյու Յուքի սբ. Վարդան Մայր եկեղեցու «Շուշի» պարախումբը: Համերգը անցել է բացառիկ հաջողությամբ և դահլիճը միշտ ձայնակցել է Սիբիլի երգերին:

http://asekose.am