Թուրքիոյ մէջ հայկական եկեղեցին, դպրոցը եւ գերեզմանատունը հայ համայնքին կը վերադարձուին

Թուրքիոյ հիմնադրամներու գլխաւոր տնօրինութիւնը որոշում կայացուցած է 6 գերեզմանատներ ազգային փոքրամասնութիւններուն վերադարձնելու մասին:

Հիմնադրամներու խորհուրդը քննած է 5 համայնքներուն պատկանող գերեզմանատները վերադարձնելու մասին դիմումները եւ հիմնուելով 2011 Օգոստոսին ընդունուած հռչակագիրին վրայ, որոշում կայացուցած է:

Ինչպէս կը տեղեկացնէ «Ակօս»ը, այս որոշմամբ իրական տէրերուն կը վերադարձուին Պէյօղլու թաղամասի յոյն ուղղափառ եկեղեցին եւ դպրոցը, Սուրբ Հրեշտակապետ հայկական եկեղեցին, դպրոցն ու գերեզմանատունը, Քատըքէոյի Իսրայէլի սինակոկի հիմնադրամը վերադարձնել:

Յիշեցնենք, որ հռչակագիրը ստորագրուած էր 28 Օգոստոս 2011-ին Թուրքիոյ վարչապետ Ռեճեփ Թայիպ Էրդողանի կողմէ` քրիստոնէական ու հրէական եկեղեցիները եւ 1936-էն բռնազաւթուած գոյքը վերադարձնելու մասին: Ըստ այդ հրամանագիրին` փոքրամասնութիւններուն պէտք է վերադարձուին հիւանդանոցները, մանկատուները, դպրոցները ու գերեզմանոցներու տարածքները:

http://tert.am/hy/news/2012/04/05/armenian-grave-church/?sw