Թուրքիայում արդեն հսկայական աշխատանքներ են տարվում Հայոց ցեղասպանության 100-րդ տարելիցից առաջ:
Թուրքական պետական ժխտողական մեքենայի ցուցումներով անցկացվում են պատմությունը կեղծող գիտաժողովներ, տպագրվում են ապատեղեկատվական գրքեր տարբեր լեզուներով, տարվում է համապատասխան քարոզչական աշխատանք:
Նման մի կոնֆերանս էլ տեղի է ունեցել օրերս: «Երեկվանից այսօր հայ-թուրքական հարաբերությունները» անունը կրող գիտաժողովն անցկացվել է Փամուքքալեի համալսարանում` ռեկտոր Հուսեին Բաղջըի անմիջական ղեկավարությամբ:
Գիտաժողովի հյուրն է եղել Անկարայի համալսարանի լեզվի և պատմության ֆակուլտետի դասախոս, պրոֆ. Ազմի Սյուսլուն: Միջոցառմանը մասնակցել են դասախոսներ և ուսանողներ, որոնք քննարկել են Հայոց ցեղասպանության հարցն ու հայ-թուրքական հարաբերությունները:
HayNews.am
Leave a Reply