Դինքի սպանության ուղղորդողը պնդել է, թե «խորքային պետությունը» ցանկանում է իրեն սպանել

Ստամբուլի հայկական «Ակօս» շաբաթաթերթի նախկին գլխավոր խմբագիր Հրանտ Դինքի սպանության ուղղորդող Յասին Հայալը Թեքիրդաղի դատարանում վկայություն է տվել։

Թուրքական Postmedya կայքի փոխանցմամբ՝ Յասին Հայալը օրեր առաջ դատախազության բողոք էր ներկայացրել, որ բանտապահներն իրեն տանջանքների են ենթարկել։ Այս բողոքի հիման վրա Յասին Հայալին հրավիրել են դատարան։

Յասին Հայալը դատարանում պնդել է, թե «խորքային պետությունը» ցանկանում է բանտապահների միջոցով իրեն սպանել։ Նա պատմել է, թե բանտապահներն իրեն ամեն տեսակ տանջանքների են ենթարկում։ «Կյանքիս համար անհանգստանում եմ։ Եթե ինձ հետ ինչ որ բան պատահի, պետությունն է լինելու պատասխանատուն»,-ասել է Յասին Հայալը։

Նշենք, որ հունվարի 17-ին թուրքական դատարանը Դինքի սպանության գործում Յասին Հայալին մեղավոր ճանաչեց սպանությունը ծրագրավորելու եւ կազմակերպելու մեղադրանքով եւ դատապարտեց ցմահ ազատազրկման։

http://news.am/arm/news/100128.html