Պատմության հիմնադրամի կողմից կատարված մի ուսումնասիրություն այլ կերպ է ընկալել տալիս մամուլում հրապարակվող այնպիսի լուրեր, ինչպիսին է, օրինակ, «Ազգային կրթության նախարարության կողմից փոքրամասնություններին ուղղված նախաձեռնություն»-ը, և բացահայտում, որ փոքրամասնությունների դպրոցներում խնդիրները պահպանվում են: Սույն ուսումնասիրությունը, որում ընդգծվում է, թե միլիարդավոր լիրա արժեցած «Ֆաթիհ» նախագծի շրջանակներում դպրոցներին տրված ipade-ներում մեկ բառ անգամ չկա փոքրամասնությունների լեզուներով, և որ դպրոցներում շարունակվում է պարտադիր լինել տնօրենների թուրք տեղակալների առկայությունը, ներկայացվեց կայացած ժողովում:
Ամեն մի դպրոցում` մեկ տեսուչ
Ժողովին մասնակցեցին Պատմության հիմնադրամի ծրագրերի համակարգողներ Գյուրել Թյուզյունը և Նուրջան Քայան, ինչպես նաև` Յեշիլքյոյի հայկական դպրոցի հիմնադիրներից Կարո Փայլանը և հունարենով հրատարակվող «Ափոյեվմաթինի» օրաթերթի գլխավոր խմբագիր Միհայիլ Վասիլիադիսը:
Կարո Փայլանը նշելով, թե տնօրենի թուրք տեղակալները դպրոցներում որպես «տեսուչ» են ընկալվում, հավելեց. «Տնօրենի թուրք տեղակալները նշանակվում են Ազգային կրթության նախարարության կողմից և դպրոցի տնօրենների հետ միասին ղեկավարում այն: Այդ անձինք որակվում են որպես «տեսուչներ»: Այն, որ տնօրենների` ազգությամբ թուրք գլխավոր տեղակալները «պետության աչքն ու ականջն են», վիրավորում է փոքրամասնություններին և ղեկավարման մեջ տեղիք տալիս երկակի նախագահության: Այդ կիրառումը պետք է վերացվի»:
Կարո Փայլանը, քննադատելով նաև այն փաստը, որ փոքրամասնությունների դպրոցներն ունեն մասնավոր դպրոցների կարգավիճակ, ասաց. «Փոքրամասնությունների դպրոցները շահույթ հետապնդող հաստատություններ չեն, դրա համար էլ նրանք պետք է ենթարկվեն ոչ թե 5580 համարը կրող «Մասնավոր կրթական հաստատությունների» մասին օրենքին, այլ` մեկ ուրիշ օրենքի»:
Գյուրել Թյուզյունն իր հերթին նշելով, թե հիմնախնդիրն այն է, որ փոքրամասնությունների դպրոցները որպես սպառնալիք և խռովությունների բույն են ընկալվում պետության կողմից, հայտնեց. «Այդ խնդիրները կարելի է հաղթահարել մարդու իրավունքների շրջանակներում և օրենքների մեջ փոփոխություններ մտցնելով»:
05.04.2012
«Թարաֆ» օրաթերթ
Թարգմանությունը` Akunq.net-ի
Leave a Reply