Փիրթուքան բերդը

Փիրթուքան բերդը գտնվում է Սասունի հարավում տեղակայված Թեքեվլեր գյուղին մոտիկ Հելքըզ լեռան լանջին: Բերդը ներկայում բավականին ավերված վիճակում է: Առկա են ավերակներ ու պատեր, որոնք ցույց են տալիս, որ այն նախկինում ամրոց է եղել:

4-րդ դարի սկզբներից սկսած Էրզենի շրջանի համար պարսիկների և բյուզանդացիների միջև սկսված պատերազմները տևել են մինչև հարյուրամյակի ավարտ: Այդ շրջանում բյուզանդացիները ինքնապաշտպանության նպատակով և թշնամու հարձակումները չեզոքացնելու համար Սասունի, Քոզլուքի և Բիթլիսի եռանկյունում հիմնել են ինքնապաշտպանական բազմաթիվ բերդեր: Սասուն գավառից 4 կմ հարավ գտնվող Փիրթուքան բերդը ևս դրանցից մեկն էր: Բյուզանդական շրջանում Փիրթուքան բերդը մյուս ամրոցների (Բոզըքա, Բեքսի, Ռաբաթ, Քանդիլ և Հազզո) նման ապահովում էր արևելքից արևմուտք տանող Մետաքսի ճանապարհի` այս շրջանի վերահսկողությունը:

Քանի որ սույն բերդին հասնելը դյուրին էր, պարզ է, որ բախումների ժամանակ այն ձեռքից ձեռք է անցել: Ամրոցի պատերը տեղ-տեղ փլուզված են, և դրանց վրա բացված ծերպերը ցույց են տալիս, որ բերդը գտնվել է պատերազմի կիզակետում: Ասում են, թե վերջերս գյուղացիներն այստեղ հանդիպել են նաև ձեռքի կացինների, որոնք կարող է պատկանած լինեն նախապատմական դարաշրջանին:

 http://sasun.org/index.php/sason/sason-kaleleri/359-pirtukan-kalesi.html

Թարգմանությունը` Akunq.net-ի