Պայթյուն Անկարայում. երկու վիրավոր

Թուրքիայի մայրաքաղաք Անկարայում երեկ ուշ երեկոյան պայթյուն է տեղի ունեցել: Պայթեցվել է կայանված մի մեքենա, որի մեջ եղած երկու կանայք վնասվածքներ են ստացել: Պայթյունը տարածքի բնակչության շրջանում խուճապի պատճառ է դարձել:

Ականատեսների խոսքերով` պայթյունը բավական ուժգին է եղել և զգացվել է նաև մոտակա շենքերում: Ինչպես տեղեկացնում է CNNturk-ը, դեպքի վայր ժամանած ոստիկանությունը փորձում է պարզել պայթյունի պատճառները:

Հիշեցնենք, որ երեկ պայթյուն էր տեղի ունցել նաև Ստամբուլի Գազիօսմանփաշա թաղամասում, ինչի հետևանքով դարձյալ երկու մարդ էին վիրավորվել: Ստամբուլում տեղադրված մեկ այլ ռումբ ոստիկանությունը կարողացել էր վնասազերծել:

http://tert.am/am/news/2012/04/03/ankara/