Կոնգրես ներկայացված հայկական նախագիծը չի կարող վտանգել թուրք- ամերիկյան առեւտրային հարաբերությունները

Թուրք-ամերիկյան գործարարների ընկերակցության (TABA/AmCham) նախագահ Ուղուր Թերզիօղլուն հայտարարել է, որ Հայոց ցեղասպանության ճանաչման համար ԱՄՆ կոնգրես ներկայացված օրինագծի պատճառով Թուրքիայի եւ ԱՄՆ-ի միջեւ առեւտրային հարաբերություններում ֆինանսական եւ արտաքին առեւտրի հետ կապված որեւէ խնդիր չի կարող ծագել:

Ինչպես հաղորդում է «Արմենպրես»–ը` վկայակոչելով «Անատոլու» լրատվական գործակալությունը, Թերզիօղլուն ասել է, որ հայկական նախագիծը չի կարող վտանգել 2012 թ. Թուրքիայի հետ ԱՄՆ-ի ունեցած առեւտրային հարաբերություններում բազմաթիվ ոլորտներում իրագործվող համագործակցությունը: «Թուրքիայի խորհրդարանում գտնում են, որ հայկական նախագիծը կապված չէ արտաքին քաղաքականության եւ ազգային անվտանգության հետ, այն կարող է վտանգել միայն առեւտրային շահերին: Խորհրդարանը գտնում է, որ ԱՄՆ հետ արտաքին առեւտրում 2009 թ. հիմնադրված եւ 2010 թ. սկսված դրական զարգացումները պետք է հավասարակշռել նաեւ ընթացիկ եւ եկող տարիների համար», -ասել է նա:

Թերզիօղլուի խոսքով` ԱՄՆ համար Թուրքիան «անփոխարինելի առեւտրային եւ սոցիալական գործընկեր» է եւ ներդրումների համար գերադասելի 6 երկրներից միակը Եվրոպայում: «2011 թ. առաջին 6 ամիսներին ԱՄն հետ Թուրքիայի միջեւ առեւտրային շրջանառության ծավալը կազմել է 8 մլրդ դոլար, որը 2010 թ. համեմատ, աճել է 46 տոկոսով», -հավելել է նա:

http://armenpress.am/arm/news/686543/kongres-nerkayacvats-haykakan-nakhagitsy-chi-karox-vtangel.html