Թուրքիայի Անվտանգության խորհրդի նիստում կքննարկեն «Զանգեզուրի միջանցքը». ԶԼՄ

Թուրքիայի Անվտանգության խորհուրդն այսօր կանցկացնի այս տարվա վերջին նիստը, որտեղ այլ հրատապ հարցերի հետ միասին կքննարկվի իրավիճակը Հարավային Կովկասում, ինչպես նաեւ «Զանգեզուրի միջանցքը», տեղեկացրել են ադրբեջանական ԶԼՄ-ները՝ հղում կատարելով TRT Haber հեռուստաալիքին։

Նիստը տեղի կունենա նախագահ Ռեջեփ Թայիփ Էրդողանի նախագահությամբ, Անկարայի նրա նստավայրում։  «Նիստի ընթացքում կքննարկվեն նաեւ իրավիճակը Մերձավոր Արեւելքում եւ օգնությունը Պաղեստինին, ինչպես նաեւ իրականացվող թուրքական ռազմական գործողությունները ահաբեկչության դեմ պայքարում»,- մեջբերել է ԶԼՄ-ն։

https://news.am/arm/news/795026.html