Պոլսում վերաբացվել է Քանդիլի թաղամասի Սրբոց Երկոտասան Առաքելոց եկեղեցին, որը փակվել էր նորոգության աշխատանքների համար։ Վերաօծումից հետո Պոլսի հայոց պատրիարքն անդրանիկ պատարագն է մատուցել:
Քանդիլի թաղամասի Սրբոց Երկոտասան Առաքելոց եկեղեցին կառուցվել և օծվել է 1846 թվականին։ Օրվա պատրիարք Մատթեոս արքեպիսկոպոս Չուհաճյանը եկեղեցին ընծայել է Քրիստոսի բոլոր առաքալաներին՝ այդկերպ շեշտադրելով հայ եկեղեցու առաքելական հիմքերը։
Ժամանակին այդ թաղամասում հայտնի հայեր են ապրել, այդ թվում նաև Գրիգոր Զոհրապը։ Տարիների ընթացքում թաղամասը հայաթափվել է, և միայն եկեղեցին է վկայում անցյալում հայերի ներկայության մասին։
«Շողակաթ» հեռուստաընկերության պատրաստած տեսանյութում նշվում է, որ եկեղեցու վերաբացումից հետո ամիսը մեկ անգամ պատարագ կմատուցվի, արդեն նշանակվել է այցելու հովիվ։
Leave a Reply