Դիարբեքիրի փաստաբանների պալատը Նեթանյահույի դեմ քրեական գործ է հարուցել

Դիարբեքիրի նահանգի փաստաբանների պալատը Իսրայելի վարչապետ Բենիամին Նեթանյահուի նկատմամբ Միջազգային քրեական դատարանում գործ է հարուցել:

Գործը հարուցվել է Իսրայելի կողմից Պաղեստինի Գազայի հատվածում իրականացվող «ցեղասպանության», «պատերազմական հանցագործության» և «մարդկայնության դեմ մեղք գործելու»  հիմքերով:

Վերոհիշյալ մեղադրանքները հիմնվում են «Միջազգային քրեական դատարանի Հռոմի ստատուտի» 6, 7 և 8-րդ կետերի վրա:

Պալատի տարածած հաղորդագրության մեջ նշվում է, որ բացի Նեթանյահուից, քրեական գործը վերաբերում է նաև այն մարդկանց, ովքեր գործի շրջանակներում մեղավոր կհամարվեն, և նրանց մեղավորությունը կապացուցվի:

Նրանք պահանջել են պատշաճ հետաքննություն իրականացնելուց հետո մեղավորների նկատմամբ կոպիտ պատժամիջոցներ կիրառել:

Հիշեցնենք, որ պաղեստինա-իսրայելական հակամարտությունը սրվել և վերածվել էր ռազմական լայնամասշտաբ բախումների հոկտեմբերի 7-ից և շարունակվում է մինչև  այսօր:

Թուրքիան բախումների առաջին իսկ օրերից հայտարարել և քննադատել է այն, որ Իսրայելը թիրախավորում է խաղաղ բնակչությանը: Նման հռետորաբանությունն այնքան մեծ է եղել, որ արևմտյան մամուլը Թուրքիային, նախագահ Ռեջեփ Թայիփ Էրդողանի գլխավորությամբ, մեղադրել է հակասեմականության մեջ:

https://www.ermenihaber.am/am/news/2023/11/22/%D4%B9%D5%B8%D6%82%D6%80%D6%84%D5%AB%D5%A1-%D5%86%D5%A5%D5%A9%D5%A1%D5%B6%D5%B5%D5%A1%D5%B0%D5%B8%D6%82-%D4%BB%D5%BD%D6%80%D5%A1%D5%B5%D5%A5%D5%AC-%D5%80%D5%A1%D5%B5%D6%81/262288