Վանա լճի Կտուց կղզու մոտակայքում ջրի տակ անցած հնագույն ճանապարհը (Տեսանյութ)

Թուրքիայի արևելյան հատվածքում գտնվող հայկական Վան քաղաքի ափերը ողողող Վանա լճում, որը Թուրքիայի վերահսկողության տակ է անցել 1923-ին Լոզանի պայմանագրով, կա շուրջ 1 կմ երկարությամբ, կղզին ցամաքի հետ կապող հնագույն (անտիկ) ճանապարհ:

Նոյեմբերի 14-ին Վանա լճի 4 կղզիներից մեկի՝ Կտուցի շրջակայքում հայտնաբերված ճանապարհի վերաբերյալ ռեպորտաժ է պատրաստել Թուրքիայի պետական լրատվական «Anadolu» գործակալության օպերատիվ նկարահանող խումբը:

Օպերատիվ նկարահանման ընթացքում ջրի տակ մնացած ճանապարհով անցել է Վան քաղաքի դայվինգի դպրոցի ջրասուզակներից մեկը:

Նշենք նաև, որ Կտուց կղզու վրա կանգուն է հայկական Կտուց անապատի համալիրը, որն ըստ տարբեր աղբյուրների՝ հիմնադրել է Գրիգոր Լուսավորիչը: 







 

https://www.ermenihaber.am/am/news/2023/11/15/%D4%B9%D5%B8%D6%82%D6%80%D6%84%D5%AB%D5%A1-%D5%8E%D5%A1%D5%B6-%D4%BF%D5%BF%D5%B8%D6%82%D6%81-%D5%83%D5%A1%D5%B6%D5%A1%D5%BA%D5%A1%D6%80%D5%B0/261735