Թուրքիայի համար բացարձակ ցանկալի տարբերակ չէ, որ իր ռազմավարական կապն Ադրբեջանի եւ միջինասիական երկրների հետ անցնի Իրանի տարածքով: Այս մասին նոյեմբերի 1-ին NEWS.am-ի «Ուժի գործոն» հաղորդման ժամանակ նշեց թուրքագետ Ռուբեն Սաֆրաստյանը՝ անդրադառնալով վերջին շրջանում Թուրքիայից և Ադրբեջանից հնչող հայտարարություններին, որ եթե Հայաստանն իր տարածքով Ադրբեջանը Նախիջևանին կապող միջանցք չտա, իրենք այդ դեպքում Իրանի տարածքով կապահովեն ցամաքային կապը։
«Երկրորդը, այն նախագիծը, որ պետք է իրականացվի Իրանի տարածքով, ավտոմոբիլային ճանապարհի մասին է: Եթե անգամ Իրանի տարածքով երկաթուղի կառուցվի, դա ավելի երկար է լինելու, քան Սյունիքով անցնողը: Մյուս կողմից, այս ընթացքում Թուրքիայում չի կառուցվել երկաթգիծ, որը կկապի թուրքական երկաթգծերը Նախիջեւանի հետ»,- ասաց նա:
Սաֆրաստյանը նաեւ նկատեց, որ Մեղրիով անցնելիք երկաթգծից Թուրքիան տնտեսական մեծ օգուտներ չի ստանա, այն առավելապես ռազմավարական նշանակության ծրագիր է՝ անհրաժեշտության դեպքում նաև ռազմական բեռներ տեղափոխելու նպատակով։
Leave a Reply