Երբեմնի Անի քաղաքի մասին խորհրդակցութիւն

Ն.Ա.Տ. Սահակ Բ. Պատրիարք Հայրը, 21 Փետրուար 2022, Երկուշաբթի, ընդունեց Կարս նահանգի երբեմնի քաղաքը Անի սիրողներու խումբ մը, որու մաս կը կազմէին Ալի Կիւրպիւզ Սատըքօղլու, Էրպիլ Հիւրեուրթ, Իհսան Աքքուշ, Օսման Պաշչիֆթճի, Էօզկիւր Տէնիզ եւ Իրմա Աբգար։

Այցելուները Նորին Ամենապատուութեան յայտնեցին, որ եկած էին պատմական Անի քաղաքը ծանօթացնելու համար իրենց ծրագիրներուն մասին տեղեկութիւններ փոխանցելու։

Պատրիարք Հայրը սիրով ունկնդրեց այցելուները, անգամ մը եւս շեշտեց մշակոյթի եւ հազարամեայ Անի քաղաքի կարեւորութիւնը, ինչպէս նաեւ զայն պահպանելու ու յաջորդ սերունդներուն փոխանցելու հրամայականը։ Նորին Ամենապատուութիւնը յայտնեց իր գոհունակութիւնը, անոր համար որ մշակութային ու գեղարուեստի ոլորտներէն ներս իրագործելի համագործակցութիւնը իր դրական անդրադարձը կ՚ունենար երկու հարեւան երկիրներու՝ Թուրքիոյ եւ Հայաստանի միջեւ բարեկամական կապեր մշակելու ուղղութեամբ։

Հիւրեր Նորին Ամենապատուութեան նուիրեցին Անիի մասին գրի առնուած անգլերէն գիրք մը եւ շնորհակալութիւն յայտնեցին ընծայուած ընդունելութեան համար։

https://www.facebook.com/TRArmenianPatriarchate