Ադրբեջանի խորհրդարանը վավերացրել է Շուշիի հռչակագիրը

Ադրբեջանի խորհրդարանը երեքշաբթի տեղի ունեցած լիագումար նիստում վավերացրել է Թուրքիայի հետ դաշնակցային հարաբերությունների մասին Շուշիի հռչակագիրը:

Շուշիի հռչակագիրն ընդունվել էր 2021թ. հունիսի 15-ին, այն ստորագրել էին Թուրքիայի և Ադրբեջանի նախագահներ Ռեջեփ Թայիփ Էրդողանը և Իլհամ Ալիևը:

Հռչակագրի համաձայն՝ երկու երկրները պայմանավորվել էին միմյանց փոխադարձաբար ռազմական օգնություն տրամադրել երկրներից մեկի անկախությանը, ինքնիշխանությանը և տարածքային ամբողջականությանը սպառնացող վտանգի դեպքում:

Պատրաստեց Վիկտորյա ԱՆԴՐԵԱՍՅԱՆԸ

https://www.aravot.am/2022/02/01/1244732/?fbclid=IwAR35dcVhHGepbwXPDC18Zt8piB0cePvm9SLP8ufCVHjxMtdzSu2mnNfKn8Q