Մուշում թալանում են. հայերը վերացան, նրանց թողած ունեցվածքն էլ վերացնում են

Մուշի քաղաքապետարանը Քալե թաղամասում գտնվող հայկական պատմական տները քանդելու որոշում է կայացրել, իսկ մի շարք ակտիվիստները ստորագրահավաք են սկսել՝ «հանուն ժողովուրդների բարեկամության քանդելը դադարեցնելու համար»։

Ստորագրահավաքների կազմակերպիչներից Նադյա Ույգունը Մուշի կողոպուտի վերաբերյալ իր տեսակետներն է գրի առել Marksist.org-ում։

Նրա գրառումը ներկայացնում ենք մասնակի կրճատումներով։

«Թաքսիմի Գեզի պուրակը վերացնելու որոշումը զուգադիպեց Մուշի հայկական տներն ավերելու հետ և դրա ցավն եմ ապրում դեռևս։ Անզորությունը ընկճող է, զայրացնող։

Մուշի թալանի մասին տեղեկանալով հետաքննող լրագրող Ջևաթ Սինեթից` պատկան մարմիններին բողոք գրեցի։ Իհարկե, պատասխան չեկավ։ Անմիջապես ակտիվիստ-գրող Զեյնեփ Թոզդումանի հետ ստորագրահավաք սկսեցինք։

48 ժամ տևած պայքարից հետո  խորհրդարանի` Խաղաղություն և ժողովրդավարություն կուսակցության պատգամավոր Դեմիր Չելիքը բարձրացրեց հայկական տների քանդման հարցը։
Ոչ ոք չի կարողանում երկրում տեղի ունեցածի դեմ արտահայտվել, և, որքան տարօրինակ է, նման մշակութային ցեղասպանությունը միշտ հայերին և հույներին է հանդիպում։

Հայերի տները, գերեզմանները, ողջ ունեցվածքի կողոպուտը միայն Մուշով չի սահմանափակվում։

http://www.tert.am/am/news/2013/07/22/mush-armenians/