Լուսին Դինքի «Սարոյանի երկիրը» ֆիլմը մասնակցելու է Լոկառնոյի կինոփառատոնին

Թուրքական «Դեմոկրատ հաբեր» էլեկտրոնային լրատվականի հաղորդմամբ` Հրանտ Դինքի զարմուհի Լուսին Դինքի «Սարոյանի երկիրը» ֆիլմը, որը մասնակցել էր Ստամբուլի 32-րդ միջազգային կինոփառատոնին, կներկայացվի նաև օգոստոսի 7-17 կայանալիք Լոկառնոյի 66-րդ միջազգային փառատոնին: Տեղեկացվում է նաև, որ ֆիլմը ցուցադրվելու է փառատոնի «Open Doors» ծրագրի շրջանակներում:

Նշենք, որ «Սարոյանի երկրը» ցուցադրվեց նախորդ շաբաթ Երևանում կայացած Ոսկե ծիրան փառատոնի «Հայաստանի համայնապատկեր» ծրագրի շրջանակներում:

Լուսին Դինքի ֆիլմը պատմում է 1964 թվականին Սարոյանի` Բիթլիս կատարած այցելության մասին: Ներկայացված են նրա հուշերն ու պատմվածքները, տպավորությունները և ճանապարհին ընկերների հետ ունեցած խոսակցությունները: Սարոյանի կերպարը մարմնավորում է թուրք գրող Ալի Բայրամօղլուն, իսկ Գևորգ Մալիքյանը խաղում է Սարոյանի քեռու` Խոսրովի դերը:

http://ermenihaber.am/?lang_id=2&news_=5&cur_news=250