Նախիջևանն արագ տեմպերով մեծ քանակությամբ ցորեն է կուտակում

Հունիս ամսին Թուրքիայի Հոպա քաղաքի նավահանգստում Ուկրաինայից ցորենով բեռնված նավեր են կայանել: Այդ ցորենը նախատեսված է տեղափոխել Նախիջևան:

Ինչպես տեղական հեռուստատեսությամբ հայտարարել է Հոպա նավահանգստի տնօրենը, արդեն բեռնաթափվել են Դան և Վոյաջեր ռուսական նավերը:

Հոպայի Կայա Հոլդինգ (իմիջայլոց բաժնետերերը հայեր են) կազմակերպության բեռնատարները պահեստավորված շուրջ 3 հազար 100 տոննա ցորենը կտեղափոխեն Նախիջևան:

Առաջին հայացքից թվում է, թե սովորական լուր է և Նախիջևանը բավարարում է իր ընթացիկ ցորենի պահանջները: Սակայն Հոպայի նավահանգստի տնօրեն Մերիչ Բուրչին Յոզերն իր ելույթում հավելել է, որ Հոպայի նավահանգստի համար կարևոր այս գործընթացը կշարունակվի մինչև տարեվերջ, քանի որ սպասվում են նորանոր ցորենի ծավալներ Ուկրաինայից, որոնք նավահանգստում կուտակվելուց հետո կտեղափոխվեն Նախիջևան:

Սա արդեն ուրիշ հարց է, քանի որ նավահանգստի ակնարկած ցորենի ծավալները վկայում են, որ Նախիջևանը սկսել է ցորենի ռազմավարական պահուստներ ստեղծել:

http://www.armweeklynews.am/awn/m13/m_0471.htm