Թուրքիայում մեկ մզկիթին քանի՞ հոգի է բաժին ընկնում

Թուրքիայում բնակչության և մզկիթների վիճակագրությունն ըստ նահանգների փոխվում է: Թուրքիայում, որտեղ կա 84 684 մզկիթ, բնակչության հարաբերակցությամբ ամենաքիչ մզկիթը գտնվում է Ստամբուլում, ամենաշատը՝ Քասթամոնուում:

Համաձայն Թուրքիայի վիճակագրական կազմակերպության՝ Թուրքիայի բնակչությունը կազմում է 75 միլիոն 627 հազար, իսկ Դավանանքի նախարարության  գրանցումների համաձայն՝ 81 նահանգում կա 84 684 մզկիթ: Եթե բնակչության թիվը բաժանենք մզկիթների թվին, ապա 893 մարդուն բաժին կընկնի մեկ մզկիթ:

Ստամբուլի գլխավորությամբ մեծ քաղաքներում, որտեղ շատ մզկիթներ կան, երբ այս թիվը բաժանում ենք բնակչության թվի վրա, տեսնում ենք, որ մզկիթների թիվը բնակչության համեմատ քիչ է:

Համաձայն տվյալների՝ բնակչության թվի համեմատ ամենաշատ մզկիթ ունեցող նահանգը Քասթամոնուն է: 359 808 բնակչություն ունեցող Քասթամոնուում 2 577 մզկիթ կա: Այս նահանգում, որտեղից արտագաղթում են, 139 հոգուն բաժին է ընկնում 1 մզկիթ: Քասթամոնուին հաջորդում է 201 000 բնակչություն ունեցող Սինոպը, որտեղ 1083 մզկիթ կա: Սինոպում 185 հոգուն 1 մզկիթ է բաժին ընկնում: Այս երկու նահանգին հետևում են Բոլուն, որտեղ 228 հոգուն բաժին է ընկնում 1 մզկիթ, Քարաբյուքը՝ 240 հոգուն 1 մզկիթ, Բարթընը՝ 243 հոգուն 1 մզկիթ, Արդվինը՝ 245 հոգուն 1 մզկիթ, Չանքըրըն՝ 257 հոգուն 1 մզկիթ, Գիրեսունը՝ 281 հոգուն 1 մզկիթ:  

Իսկ 13 854 000 բնակչություն ունեցող Ստամբուլը, որը թեկուզ և ամենաշատ դավանանքի տաճարներն ունի (3 190 մզկիթ), այնուամենայնիվ,  բնակչության թվի հետ բաղդատելիս ամենաքիչ մզկիթն ունի՝ 4 343 ստամբուլցուն բաժին է ընկնում 1 մզկիթ: Ստամբուլին հաջորդում են Զմյուռնիան՝ 2 197 մարդուն 1 մզկիթ, Գազիանթեփը՝ 1 924 մարդուն 1 մզկիթ, Անկարան՝ 1727 մարդուն 1 մզկիթ, Թեքիրդաղը՝ 1721 մարդուն 1 մզկիթ, Բուրսան՝ 1619 մարդուն 1 մզկիթ, Ադանան՝ 1560 մարդուն 1 մզկիթ, Հաթայը 1510 մարդուն 1 մզկիթ:

Ստորև ներկայացնում ենք Թուրքիայի նահանգներում մզկիթների և բնակչության թիվը և վիճակագրությունը, թե մեկ մզկիթին որքան մարդ է բաժին ընկնում:

 

Անվանումը	Բնակչության թիվը	Մզկիթների քանակը	1 մզկիթին բաժին ընկնող բնակչության թիվը
Ադանա	2.125.635	1.362	1.560
Ադըյաման	595.261	730	815
Աֆյոն	703.948	1.124	626
Աղրը (Արարատ-Ա.Ք.)	552.404	871	634
Ամասիա	322.283	682	472
Աքսարայ	379.915	581	653
Անկարա	4.965.542	2.875	1.727
Անթալիա	2.092.537	2.130	982
Արդահան	106.643	273	390
Արդվին	167.082	681	245
Այդըն	1.006.541	1.114	903
Բալըքէսիր	1.160.734	1.654	701
Բարթըն	188.436	775	243
Բաթման	534.205	619	863
Բայբուրթ (Բաբերդ-Ա.Ք.)	75.797	244	310
Բիլեջիք	204.116	408	500
Բինգյոլ	262.507	564	465
Բիթլիս	337.253	656	514
Բոլու	281.080	1.232	228
Բուրդուր	254.341	522	487
Բուրսա	2.688.171	1.660	1.619
Չանաքքալե	493.691	808	611
Չանքըրը	184.406	716	257
Չորում	529.975	1.306	405
Դենիզլի	950.557	1.187	800
Դիարբեքիր	1.592.167	1.945	818
Դյուզջե	346.493	664	521
Էդիրնե (Ադրիանապոլիս-Ա.Ք.)	399.708	392	1.019
Էլիազիգ	562.703	965	583
Էրզինջան (Երզնկա-Ա.Ք.)	271.886	565	385
Էրզրում	778.195	1.547	503
Էսքիշեհիր	789.750	769	1.026
Գազիանթեփ	1.799.558	935	1.924
Գիրեսուն	419.555	1.490	281
Գյումուշհանե	135.216	521	562
Հաքքիարի	279.982	498	562
Հաթայ	1.483.674	982	1.510
Իգդիր	190.409	240	793
Սպարտա	416.663	711	586
Ստամբուլ	13.854.740	3.190	4.334
Իզմիր	4.005.459	1.823	2.197
Քարաբյուք	225.145	935	240
Քարաման	235.424	497	473
Կարս	304.821	503	606
Կաստամոնու	359.808	2.577	139
Կեսարիա	1.274.968	1.289	989
Քըրըքքալե	274.727	353	778
Քըրքլարելի	341.218	288	1.184
Քըրշեհիր	221.209	485	456
Քիլիս	124.320	213	583
Քոջաելի	1.634.691	1.142	1.431
Կոնիա	2.052.281	3.087	664
Քյութահիա (Կուտինա-Ա.Ք.)	573.421	1.190	481
Մալաթիա	762.366	934	816
Մանիսա	1.346.162	1.686	798
Մարդին	773.026	1.079	716
Մերսին	1.682.848	1.486	1.132
Մուղլա	851.145	1.082	786
Մուշ	413.260	602	686
Նևշեհիր	285.190	486	586
Նիղդե	340.270	411	827
Օրդու	741.371	2.045	362
Օսմանիե	492.135	551	893
Ռիզե	324.152	1.050	308
Սաքարիա	902.267	1.278	705
Սամսուն	1.251.722	2.639	474
Սիիրտ	310.879	624	498
Սինոպ	201.311	1.083	185
Սվազ	623.535	1.327	464
Շանլըուրֆա	1.762.075	1.755	1.004
Շրնակ	466.982	503	928
Թեքիրդաղ	852.321	495	1.721
Թոքաթ	613.990	1.151	533
Տրապիզոն	757.898	1.952	388
Թունջելի (Դերսիմ-Ա.Ք.)	86.276	120	718
Ուշաք	342.269	544	629
Վան	1.051.975	1.350	779
Յալովա	211.799	155	1.366
Յոզղաթ	453.211	961	468
Զոնգուլդակ	606.527	1.464	414
Ընդամենը	75.627.384	84.684	Միջինը՝893

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

Մզկիթները կառուցվում են ըստ պահանջարկի

Դիարբեքիրի մուֆթի Նիմեթուլլահ Էրդողմուշը նշեց, որ մզկիթի կառուցումը պատմության ընթացքում տեղի ունեցած քաղաքացիական և հասարակական աշխատանքների արդյունք է:

Էրդողմուշը նշելով, որ մզկիթները կառուցում են միությունների, գյուղաքաղաքի կամ թաղամասի բնակիչների կազմած միությունների ջանքերով, սակայն մզկիթի վայրի հատկացման իրավունքը պատկանում է քաղաքապետարանին, ասաց. «Թաղամասի բնակիչները հատկացված վայրում ըստ կարիքի մզկիթ են կառուցում: Մզկիթը կառուցելուց հետո դիմելով մեր մուֆթիությանը՝ պահանջում են մզկիթի համար մուֆթի: Ժամանակ առ ժամանակ մզկիթի կառուցման ընթացքում հաշվի են առնում նաև մեր կարծիքը: Որպեսզի մզկիթն ավելի գործառութային լինի և նպատակին ծառայի, մեր մուֆթիությունների և խոջաների փորձառությունից են օգտվում: Ահա մզկիթն այսպես ըստ պահանջարկի է կառուցվում»:

«Հարցնում ենք, թե արդյո՞ք մզկիթի կարիք կա»

Էրդողմուշը նշեց, որ քաղաքների պատմական հատվածներում այդքան էլ հնարավոր չէ մզկիթ կառուցել, բացի այդ` դրա անհրաժեշտությունն էլ չկա, քանի որ անցյալում ամեն մի անկյունում մզկիթ են կառուցել, անհրաժեշտ է մզկիթ կառուցել քաղաքների ընդլայնվող հատվածներում:  

Էրդողմուշը հայտնեց, որ մզկիթի շինարարության ժամանակ, նախքան իրենց հետ խորհրդակցող պատվիրակությունների, միությունների ու համայնքների հետ հանդիպելը, հարցնում են, թե արդյո՞ք մզկիթ կառուցելու կարիք կա. «Հարցնում ենք՝ արդյո՞ք մոտակայքում մզկիթ կա, թե ոչ: Եթե կա, ապա խորհուրդ ենք տալիս այն վերանորոգել: Մեր գյուղերում էլ է այդպես: Մոտ թաղամասերում մզկիթ կառուցելու փոխարեն խորհուրդ ենք տալիս չլքել մոտակա մզկիթի հավատացյալների շարքերը»:

Պահանջը մեծանում է

Մուֆթի Էրդողմուշն ասաց, որ մզկիթ կառուցելու աճող պահանջարկի զուգընթաց` շինարարությունը հաստատուն և կանոնավոր է կատարվում. «Պահանջում ենք, որ մզկիթ կառուցելիս ուշադրություն դարձնեն այդ թաղամասի բոլոր անկյուններին, բոլոր տարրերին: Այսինքն՝ մզկիթը չպետք է լինի մի վայր, որտեղ գնում և միայն 5 րոպե տևող մեր աղոթքն ենք անում: Մեզ համար կարևոր է մզկիթների գեղագիտական կողմը, բազմագործառնությունը: Այսինքն՝ պետք է այնպես նախագծվի, որ ֆիզիկական սահմանափակ կարողություններով մեր քաղաքացին հանգիստ մտնի: Տեսնում ենք, որ անցյալում սրան բավականաչափ ուշադրություն չեն դարձրել: Կանանց առնչվող հարցերում ևս նման խնդիրներ են ծագում: Վերջերս մզկիթ նախագծելիս հաշվի ենք առնում ահա այս բոլոր կետերը: Օրինակ՝ Դիարբեքիրի Ուլուջամիում վերջին վերանորոգման ժամանակ կանանց համար շատ գեղեցիկ վայր է նախագծվել: Կանանց համար տեղ է հատկացվել: Արդեն մեր կին հավատացյալները ևս շատ հանգիստ աղոթում են մզկիթում»: 

http://yenisafak.com.tr/ramazan-haber/turkiyede-cami-basina-kac-kisi-dusuyor-18.07.2013-543630