Մուշի քաղաքապետարանը պնդում է, որ քանդվող շինությունները հայկական չեն

Մուշի քաղաքապետարանը հերքել է տեղեկությունները, թե Քալե թաղամասում շինարարական աշխատանքների ընթացքում հայկական պատմական տներ են ոչնչացվում. տեղեկացնում է Time Turk-ը։
Քաղաքապետարանը հաստատել է տեղեկությունը, թե այդ վայրերում բնակարաններ և աշխատատեղեր են կառուցվելու, սակայն պնդել է, որ քանդվող տները հայկական չեն։
«Տեղեկությունները, թե այդ տները հայերին են պատկանել, անհիմն են։ Անհրաժեշտ տեղեկությունները կան Մուշի կադաստրային վարչությունում։ Մամուլում տեղ գտած տեղեկությունները կեղծիք են և որևէ հիմք չունեն»,-ասված է տարածված հաղորդագրության մեջ։
Հիշեցնենք, որ մամուլում տարածված տեղեկությունների համաձայն՝ այդ տներից շատերն իրենցից պատմական արժեք են ներկայացնում և կառուցվել են ավելի քան 150 տարի առաջ։

Թուրքիայում Մուշի հայկական տները չքանդելու վերաբերյալ ստորագրահավաք էր սկսվել։

http://www.tert.am/am/news/2013/07/21/mush/