Քրդական աշխատավորական կուսակցության (PKK) գործադիր կոմիտեն, որը տեղակայված է Հյուսիսային Իրաքում, «վերջին նախազգուշացումն» է ուղղել Թուրքիայի իշխող Արդարություն և զարգացում կուսակցությանը, հաղորդում է Reuters-ը:
«Մենք՝ որպես շարժում, վերջին անգամ ենք զգուշացնում Արդարություն և զարգացում կուսակցությանը: Եթե մոտակա ժամանակներում հստակ քայլեր չձեռնարկվեն (քրդական հարցի կարգավորման ուղղությամբ), ապա գործընթացի խափանման ամբողջ պատասխանատվությունը կընկնի կառավարության վրա»,- ասված է PKK-ի տարածած հայտարարության մեջ:
Քրդական հարցի կարգավորման երկրորդ փուլը սկսվել է հունիսի 1-ից:
2013թ. մարտին Օջալանը կոչ էր արել քուրդ զինյալներին լքել Թուրքիայի տարածքը, որից հետո քուրդ զինյալները սկսել էին հեռանալ Թուրքիայից: Ներկայում, սակայն, քրդերի շրջանում հետզհետե մեծանում է անհանգստությունն առ այն, որ կառավարությունը կոնկրետ քայլեր չի իրականացնելու:
Leave a Reply