Ստամբուլում մեկ մզկիթին բաժին է ընկնում 4300 մարդ

Թուրքիայում մեկ բնակչին բաժին ընկնող մզկիթների մեծ թվով առաջին տեղում է Քասթամոնուն, իսկ այս ցուցանիշով վերջին տեղում Ստամբուլն է։

Այս մասին տեղեկանում ենք Թուրքիայի վիճակագրական ծառայության հրապարակած զեկույցից։

Թուրքիայի ողջ տարածքում հաշվվում է 84,684 մզկիթ։ Թուրքիայի բնակչությունը, ըստ նույն աղբյուրի, կազմում է 75 մլն 627 մարդ։ Ասպիսով, ամբողջ բնակչության հաշվով մեկ մզկիթին բաժին է ընկնում 893 բնակիչ։

Թուրքիայի խոշորագույն քաղաքում՝ Ստամբուլում, որի բնակչությունը 13 մլն 854 հազար մարդ է, 3190 մզկիթ կա, այսինքն՝ յուրաքանչյուր 4343 ստամբուլցու մեկ մզկիթ է բաժին հասնում։ Մայրաքաղաք Անկարայում այս ցուցանիշը հավասար է 1727 մարդու, Իզմիրում՝ 2197 մարդու, Այնթապում՝ 1924 մարդու, Ադանայում՝ 1560 մարդու։

Իսկ ահա Քասթամոնոյում մեկ մզկիթը բաժին է ընկնում ընդամենը 139 մարդու, Սինոպում՝ 185 մարդու, Արդվինում՝ 245 մարդու։

http://haynews.am/hy/1374151612