Պոլսո հայոց պատրիարքարանը դիմել է դատարան՝ պահանջելով որոշում ընդունել, որով կարգելվի դատական գործընթացի մեջ գտնվող Սանասարյան շենքի վարձակալության հանձնումը։
Թուրքական Cihan գործակալության փոխանցմամբ՝ Պոլսո հայոց պատրիարքարանի շահերը ներկայացնող փաստաբան Ալի Էլբեյօղլուի գրավոր հայտարարության մեջ նշվել է, թե թեւ Սանասարյան հան կոչվող շենքի հետ կապված կա դատական գործընթաց, սակայն Թուրքիայի հիմնադրամների գլխավոր վարչությունն այն 20 տարով վարձակալության է ցանկանում հանձնել, եւ արդեն մրցույթ է հայտարարվել։
«Սանասարյան շենքը 1935 թվականին Թուրքիայի հայոց պատրիարքարանի ձեռքից անօրինական ճանապարհով խլվել է։ Այն հետ ստանալու համար պատրիարքարանը դիմել է Ստամբուլի քաղաքացիական գործերով 13-րդ դատարան, որի որոշումներից մեկն է եղել խնդրահարույց գույքը չվաճառել կամ 3-րդ կողմին չհանձնել, իսկ Հիմնադրամների գլխավոր վարչությունը խախտում է դատարանի որոշումը՝ այն վարձակալության հանձնելու մրցույթ հայտարարելով։ Պահանջել ենք, որպեսզի մրցույթը դադարեցնող որոշում ընդունվի»,-նշվել է հայտարարության մեջ։
Նշենք, որ Պոլսո Հայոց պատրիարքական ընդհանուր փոխանորդ արք. Արամ Աթեշյանը նախորդ տարի դատական գործընթաց էր սկսել՝ Ստամբուլի հայտնի Սանասարյան հան անունը կրող շենքը հիմնադրամների խորհրդից հայկական համայնքին վերադարձնելու համար։
Leave a Reply