Հալեպի Համալսարանը Թուրքիայի վարչապետ Ռեջեփ Թայիփ էրդողանից ետ է վերցրել միջազգային հարաբերությունների պատվավոր դոկտորի կոչումը, որը շնորհել էր նրան 2009-ին:
Ինչպես տեղեկացնում է “Hurriyet Daily News”-ը, համալսարանի որոշման պատճառն այն է, որ Էրդողանն ակնհայտորեն աջակցում է սիրիական ընդդիմությանը, իսկ նրա կառավարությունը ճնշում է գործադրում թուրք ցուցարարների վրա:
Համալսարանի դեկան Խուդուր Օրֆալին նշել է, որ «այդ քայլը համերախշության եւ աջակցության մեսիջ է թուրք ժողովրդին, որը մերժում է Էրդողանի թշնամական քաղաքականությունը»: «Այդ թուրք ժողովուրդն է, ով արժանի է այդ կոչմանը: Թուրք ժողովուրդն է, ով շարունակում է 2 երկրների ժողովուրդների միջեւ ընկերության եւ բարեկամության հարաբերություններ հաստատելու ցանկություն արտահայտել»,-նշել է Օրֆալին:
Leave a Reply